ഝാര്‍ഖണ്ഡില്‍ ഏറ്റമുട്ടല്‍: മാവോയിസ്റ്റുകളെ വധിച്ച് സുരക്ഷാ സേന

റാഞ്ചി: ഝാര്‍ഖണ്ഡിലെ വനമേഖലയിലുണ്ടായ ഏറ്റുമുട്ടലില്‍ രണ്ട് മാവോയിസ്റ്റുകളെ വധിച്ച് സുരക്ഷാസേന. ജാര്‍ഖണ്ഡിലെ വെസ്റ്റ് സിംഗ്ഭും ജില്ലയിലെ പൊരാഹട്ട് വനത്തിനുള്ളിലാണ് ഏറ്റുമുട്ടലുണ്ടായത്. ചൈബാസ ജില്ലാ പൊലീസിന്റെയും സെന്‍ട്രല്‍ റിസര്‍വ് പൊലീസ് ഫോഴ്‌സിന്റെയും (സിആര്‍പിഎഫ്) സംയുക്ത സംഘമാണ് ഓപ്പറേഷന് നേതൃത്വം നല്‍കിയത്.

മിസിര്‍ ബെസ്ര, അനല്‍ എന്ന പതിറാം മാജി, അസിം മൊണ്ടല്‍, അന്‍മോള്‍ എന്നിവര്‍ നേതൃത്വം നല്‍കുന്ന മാവോയിസ്റ്റ് സംഘത്തിലെ രണ്ടുപേരെയാണ് സേന വധിച്ചത്. ഏറ്റുമുട്ടലില്‍ ഒരു സൈനികന് പരിക്കേറ്റു. ഇയാളെ റാഞ്ചിയിലെ ആശുപത്രിയിലേക്ക് മാറ്റിയാതായി ഉദ്യോഗസ്ഥര്‍ അറിയിച്ചു.