മാങ്കൂട്ടത്തിൽ കേസിൽ സോഷ്യൽമീഡിയയിൽ അപമാനിച്ച കേസിൽ അതിജീവിത ദീപ ജോസഫിനെതിരെ തടസഹർജി നല്‍കി|Rahul Mamkootathil case Victim Files Caveat in SC to Prevent Ex-parte Orders in Deepa Joseph’s Plea | കേരള വാർത്ത

തിരുവനന്തപുരം: രാഹുൽ മാങ്കൂട്ടത്തിൽ എംഎൽഎ പ്രതിയായ ലൈംഗിക പീഡനക്കേസിലെ അതിജീവിത സുപ്രീം കോടതിയിലേക്ക്. ദീപ ജോസഫ് നൽകിയ ഹർജിയിൽ അതിജീവിത തടസ്സ ഹർജി ഫയൽ ചെയ്തു. അതിജീവിതയെ സമൂഹ മാധ്യമങ്ങളിലൂടെ അധിക്ഷേപിച്ച കേസിലെ പ്രതിയാണ് ദീപ.  അഡ്വ. കെ.ആർ. സുഭാഷ് ചന്ദ്രൻ വഴിയാണ് ഹർജി നൽകിയത്. ദീപ ജോസഫിന്റെ ഹർജിയിൽ കോടതി എന്തെങ്കിലും ഇടക്കാല ഉത്തരവ് പുറപ്പെടുവിക്കുന്നുണ്ടെങ്കിൽ തന്റെ വാദം കൂടി കേൾക്കണമെന്ന് അതിജീവിത ആവശ്യപ്പെട്ടു. ദീപ ജോസഫ് സുപ്രീം കോടതിയിൽ സമർപ്പിച്ച ഹർജിയിലെ വിവരങ്ങൾ പുറത്തുവന്നിട്ടില്ല.