ചാനലിലിരുന്ന് തേച്ചൊട്ടിച്ച പാര്‍ട്ടിയിലേക്ക് സന്ദീപ് പോകില്ല, എത്തിക്‌സുള്ളയാള്‍: മേജര്‍ രവി

പാലക്കാട്: താൻ അറിയുന്ന സന്ദീപ് വാര്യർ ടിവി ചർച്ചകളിലിരുന്ന് തേച്ചൊട്ടിച്ച പാർട്ടിയിലേക്ക് പോകുമെന്ന് കരുതുന്നില്ലെന്നു സംവിധായകനും ബിജെപി ഉപാദ്ധ്യക്ഷനുമായ മേജർ രവി. എത്തിക്‌സ് ഉണ്ടെങ്കില്‍ സന്ദീപ് മാറില്ലെന്നും മേജർ രവി പ്രതികരിച്ചു.

read also: ഒരു ദിവസം എത്ര വെള്ളം കുടിക്കണം? ശരീരത്തില്‍ ജലാംശം കൂടിയോ എന്ന് എങ്ങനെ തിരിച്ചറിയാം

മേജർ രവിയുടെ വാക്കുകള്‍ ഇങ്ങനെ,

‘ഇലക്ഷൻ വിന്നിംഗ് ആണല്ലോ ഇപ്പോഴത്തെ പ്രധാനപ്പെട്ട കാര്യം. ഒന്ന് വെയിറ്റ് ചെയ്യണമെന്ന് എല്ലാവരും സന്ദീപിനോട് പറഞ്ഞതാണ്. സുരേന്ദ്രൻ അടക്കമുള്ളവർ സന്ദീപിനെ വിളിച്ചിരുന്നു. സന്ദീപിനെ പോലൊരു വ്യക്തിക്ക് മാനസികമായി ഇങ്ങനൊരു വിഷമം ഉണ്ടെങ്കില്‍ നമുക്ക് സോള്‍വ് ചെയ്യാവുന്നതേയുള്ളൂ. ടിവി ചർച്ചകളിലിരുന്ന് തേച്ചൊട്ടിച്ച പാർട്ടിയിലേക്ക് സന്ദീപ് പോകുമെന്ന് കരുതുന്നുണ്ടോ? അയാള്‍ എന്ത് സംസാരിക്കും ആ പാർട്ടിയെ കുറിച്ച്‌. എത്തിക്‌സ് ഉണ്ടെങ്കില്‍ സന്ദീപ് മാറില്ല. ഞാൻ അറിയുന്ന സന്ദീപ് അങ്ങനെ മാർക്‌സിസ്‌റ്റ് പാർട്ടിയിലേക്ക് പോകില്ല.

മറ്റു രാജ്യങ്ങളെ പിന്തുണയ്ക്കുന്ന പാർട്ടിയിലേക്ക് സന്ദീപ് പോകില്ല. ഒന്നര വർഷത്തിനകത്ത് ഇവിടെ പലതും ചെയ്യാനുണ്ട്. കമാൻഡർ എന്ന നിലയില്‍ ഞാൻ പല പദ്ധതികളും തയാറാക്കി വച്ചിട്ടുണ്ട്. പാലക്കാട് ബിജെപി വിജയിക്കും എന്ന കാര്യത്തില്‍ തർക്കമില്ല. ചേലക്കരയില്‍ വലിയ മുന്നേറ്റമുണ്ടാകും. സർപ്രൈസ് ഉണ്ടാക്കുന്ന തിരഞ്ഞെടുപ്പ് ഫലമാകും ചേലക്കരയില്‍ ഉണ്ടാവുക’ – മേജർ രവി പറഞ്ഞു.