കേരളത്തില് വീണ്ടും കാസര്കോട് കാഞ്ഞങ്ങാടുള്ള വിദ്യാര്ത്ഥിക്ക് കൂടി കൊറോണ വൈറസ് ബാധ സ്ഥിരീകരിച്ചു
തിരുവനന്തപുരം: കേരളത്തില് വീണ്ടും കാസര്കോട് കാഞ്ഞങ്ങാടുള്ള വിദ്യാര്ത്ഥിക്ക് കൂടി കൊറോണ വൈറസ് ബാധ സ്ഥിരീകരിച്ചു. വുഹാനില് നിന്നും തിരിച്ചെത്തിയ മൂന്നാമത് ഒരാള്ക്ക് കൂടി നോവല് കൊറോണ വൈറസ് ബാധ സ്ഥിരീകരിച്ചതായി ആരോഗ്യ മന്ത്രി കെകെ ശൈലജയാണ് അറിയിച്ചത്.
അതേസമയം കാഞ്ഞങ്ങാട് ജില്ലാ ആശുപത്രിയില് ചികിത്സയിലുള്ള വിദ്യാര്ത്ഥിയുടെ ആരോഗ്യനില തൃപ്തികരമാണെന്നും നിലവില് ആശുപത്രിയില് പ്രവേശിപ്പിക്കപ്പെട്ട ആരുടേയും ആരോഗ്യനിലയില് ആശങ്കയ്ക്ക് വകയില്ലെന്നും ആരോഗ്യ വകുപ്പ് അറിയിച്ചു. നേരത്തേ തൃശൂര്, ആലപ്പുഴ ജില്ലകളിലെ രണ്ട് വിദ്യാര്ത്ഥികള്ക്കാണ് രോഗബാധ സ്ഥിരീകരിച്ചിരുന്നത്. പുതിയ കേസ് റിപ്പോര്ട്ട് ചെയ്തതോടെ സംസ്ഥാനത്ത് മൂന്ന് പേര്ക്കാണ് കൊറോണ വൈറസ് സ്ഥിരീകരിച്ചതെന്നും മന്ത്രി പറഞ്ഞു.