എറണാകുളത്ത് രാവിലെ സ്കൂളിലേക്ക് പോയ പ്ലസ് വൺ വിദ്യാർഥിനി പാറമടയിൽ മരിച്ച നിലയില്‍|Plus One Student Found Dead in Quarry Pond Near Kochi | കേരള വാർത്ത

കൊച്ചി: തിരുവാണിയൂരിനടുത്ത് കക്കാട് കരയിലെ പാറമടയിൽ 16 കാരിയെ മരിച്ച നിലയിൽ കണ്ടെത്തി. ചോറ്റാനിക്കര ഗവ. വിഎച്ച്എസ്‍ഇയിലെ പ്ലസ് വൺ വിദ്യാർഥിനിയാണ് മരിച്ചത്. ഇന്ന് രാവിലെ ഒൻപത് മണിയോടെയാണ് നാട്ടുകാർ പാറമടയിൽ മൃതദേഹം കണ്ടെത്തിയത്. വീട്ടിൽ നിന്നും രാവിലെ 7.45ന് ഇറങ്ങിയതാണ് പെൺകുട്ടി. ആദ്യം ട്യൂഷനും അതിനു ശേഷം സ്കൂളിലേക്ക് പോവുകയുമാണ് പതിവ്. കുട്ടിയുടെ ബാഗ്, പുസ്തകങ്ങൾ, ലഞ്ച് ബോക്സ് എന്നിവ പാറമടയുടെ കരയിൽ വെച്ച നിലയിൽ കണ്ടെത്തിയിട്ടുണ്ട്. ഏകദേശം 400 അടിയോളം ആഴമുള്ള പാറമടയാണിതെന്ന് നാട്ടുകാർ പറയുന്നു.