മൂന്ന് വയസുകാരൻ ഷോക്കേറ്റു മരിച്ചതറിഞ്ഞ് വീട്ടിലേക്ക് തിരിച്ച പിതാവ് ബൈക്ക് അപകടത്തിൽ മരിച്ചു | Father dies in road accident while rushing home after hearing son’s death

വാഹനമിടിച്ച് ​ഗുരുതരമായി പരിക്കേറ്റ പിതാവിനെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വീട്ടിൽ കളിച്ചുകൊണ്ടിരിക്കെ വൈദ്യുതാഘാതമേറ്റ് മൂന്ന് വയസ്സുള്ള അയാൻഷ് ജയ്‌സ്വാൾ മരിച്ചു എന്നാണ് പോലീസ് പറയുന്നത്. കുടുംബാംഗങ്ങൾ കുഞ്ഞിനെ ആശുപത്രിയിൽ എത്തിച്ചെങ്കിലും മരിച്ചിരുന്നു.

മരണവാർത്ത അറിഞ്ഞ ഉടനെ അവന്റെ പിതാവ് വിഷ്ണു കുമാർ ജയ്‌സ്വാൾ അവരുടെ ഗ്രാമമായ റസുലാബാദിലേക്ക് പുറപ്പെട്ടെങ്കിലും  അപകടത്തിൽപ്പെട്ടു. മൃതദേഹങ്ങൾ പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടു നൽകും. വിഷ്ണു കുമാർ ജയ്‌സ്വാളിനെ ഇടിച്ച വാഹനം ഇതുവരെയും കണ്ടത്താനായില്ല. സംഭവത്തിൽ അന്വേഷണം ആരംഭിച്ചതായി പൊലീസ് പറഞ്ഞു.