‘പോസിറ്റീവായാണ് കണ്ടത്, പക്ഷേ ചാ​ന്ത്പൊ​ട്ട് എന്ന പേര് മോശമായി ഉപയോ​ഗിച്ചു, എല്ലാത്തിനും ക്ഷമ ചോദിക്കുന്നു‌’: ബെ​ന്നി പി നായരമ്പലം| script writer benny p nayarmbalam speaks on chandupottu movie

​വി​മ​ർ​ശ​ന​ങ്ങ​ളോ​ട് ആ​ദ്യ​മാ​യി പ്ര​തി​ക​രി​ച്ചി​രി​ക്കു​ക​യാ​ണ് ചി​ത്ര​ത്തി​ന്റെ തി​ര​ക്ക​ഥാ​കൃ​ത്ത് ബെ​ന്നി പി നാ​യ​ര​മ്പ​ലം. ചാ​ന്ത്​പൊ​ട്ട് എ​ന്ന പേ​ര് ട്രാ​ന്‍സ്‌​ജെ​ന്‍ഡ​ര്‍ വ്യ​ക്തി​ക​ളെ ക​ളി​യാ​ക്കാ​ന്‍ ഉ​പ​യോ​ഗി​ക്ക​പ്പെ​ട്ട​തി​ല്‍ വി​ഷ​മ​മു​ണ്ടെ​ന്നും അ​ത് ത​ങ്ങ​ള്‍ ചി​ന്തി​ക്കു​ക​പോ​ലും ചെ​യ്യാ​തി​രു​ന്ന കാ​ര്യ​മാ​ണെ​ന്നും വേദനിച്ചവരോട് ക്ഷമ ചോദിക്കുന്നതായും അ​ദ്ദേ​ഹം പറഞ്ഞു. ‘ക്യു സ്റ്റുഡിയോ’ക്ക് നൽകിയ അ​ഭി​മു​ഖ​ത്തി​ലായിരുന്നു ബെന്നി പി നായരമ്പലം പ്രതികരിച്ചത്.

‘ഈ കമ്മ്യൂണിറ്റിയിലുള്ളവരെ ചേർത്ത് നിർത്താൻ വേണ്ടി എഴുതിയ സിനിമയാണ് ചാന്ത്പൊട്ട്. സ്ത്രൈണത ദുരന്തമായി മാറുന്ന കഥയാണത്, കഥാപാത്രം ട്രാൻസ്‌ജെൻഡർ അല്ല. ഒരു പോസിറ്റീവ് ആങ്കിളിലാണ് എഴുത്തുകാരനായ ഞാനും സംവിധായകൻ ലാൽ ജോസും അതിനെ കണ്ടത്. സിനിമയുടെ പേര് ട്രാൻസ്‌ജെൻഡർ കമ്മ്യൂണിറ്റിയുമായി ചേർത്ത് വിളിക്കുന്ന സാഹചര്യം വന്നപ്പോഴാണ് അത് അവരെ വേദനിപ്പിച്ചത്. മനഃപൂർവമല്ലെങ്കിലും അതിന് സിനിമ കാരണമായത് വളരെ സങ്കടമുണ്ടാക്കി’- ബെ​ന്നി പി നാ​യ​ര​മ്പ​ലം പറയുന്നു.

ദിലീപാണ് ചിത്രത്തിലെ പ്രധാന കഥാപാത്രമായ രാധാകൃഷ്ണൻ എന്ന രാധയെ അവതരിപ്പിച്ചത്. ഗോപിക (മാലു), ലാൽ (ദിവാകരൻ), ഇന്ദ്രജിത്ത് (കൊമ്പൻ കുമാരൻ), ബിജു മേനോൻ (ഫ്രെഡി), ഭാവന (റോസി), ശോഭ മോഹൻ (ശാന്തമ്മ), രാജൻ പി ദേവ് (തുറയിലാശാൻ), സുകുമാരി (മുത്തശ്ശി) എന്നിവരും പ്രധാന വേഷത്തിൽ എത്തി. ലാലാണ് സിനിമ നിർമിച്ചത്. വയലാർ ശരത്ചന്ദ്ര വർമയുടെ ഗാനങ്ങൾക്ക് വിദ്യാസാഗറാണ് സംഗീതം നല്‍കിയത്.