EBM News Malayalam

ആദ്യത്തെ പിക്ക് അപ്പ് ട്രക്ക് ആയി ഇസൂസു D-മാക്‌സ് V-ക്രോസ്

ഇന്ത്യയിൽ ഇത്രയധികം ജനപ്രീതി ലഭിച്ച ആദ്യത്തെ പിക്ക് അപ്പ് ട്രക്ക് ആണ് ഇസൂസു D-മാക്സ് V-ക്രോസ് എന്ന് പറയാം. ഏതാനും മാസങ്ങൾക്ക് മുമ്പ് ജൂണിൽ വി-ക്രോസിന്റെ ഫെയ്‌സ്ലിഫ്റ്റ് മോഡൽ ഇസൂസു അവതരിപ്പിച്ചിരുന്നു.

ഈ മാസം 11 -ന് നിലവിലെ മോഡലിനെ മൂന്നാം-തലമുറ ഇസൂസു D-മാക്സ് അന്താരാഷ്ട്ര തലത്തിൽ പകരം വയ്ക്കും. ഇൻഫിനിറ്റ് പൊട്ടെൻഷ്യൽ തീമാണ് അടുത്ത-തലമുറ ഇസൂസു D-മാക്സ് V-ക്രോസ് പിക്ക്-അപ്പ് ട്രക്കിൽ കമ്പനി അവതരിപ്പിക്കുന്നത്.

പുറം രൂപകൽപ്പനയെക്കുറിച്ച് പറയുമ്പോൾ, പുതിയ വാഹനത്തിൽ വരുന്നത് വലിയ മുൻ ഗ്രില്ലും, വിപണിയിൽ നിന്ന് പിൻവാങ്ങുന്ന മോഡലിനെക്കാൾ ചെറുതും U-ആകൃതിയിലുള്ള എൽഇഡി ഡേ ടൈം റണ്ണിങ് ലൈറ്റുകൾ ഉള്ളതുമായ പുതിയ ഹെഡ്‌ലാമ്പ് ക്ലസ്റ്ററുമാണ്. പിൻവശത്തും പുതുതായി രൂപകൽപ്പന ചെയ്ത ടെയിൽ ലാമ്പുകൾ ലഭിക്കുന്നു.

വാഹനത്തിന്റെ മുൻവശം കൂടുതൽ സ്റ്റൈലിഷും, ആകർഷകവുമാക്കാൻ പുനർ രൂപകൽപ്പന ചെയ്തിരിക്കുന്നു. പുതിയ ബമ്പർ, Bi-എൽഇഡി ഹെഡ്‌ലാമ്പുകൾ, വലിയ ക്രോം ഗ്രില്ല് എന്നിവയാണ് മുൻവശത്തെ പ്രധാന സ്റ്റൈലിങ് ഘടകങ്ങൾ.

150 bhp കരുത്തും 350 Nm torque ഉം ഉത്പാദിപ്പിക്കുന്ന 1.9 ലിറ്റർ ഡീസൽ എഞ്ചിനാണ് നിലവിൽ ഇന്ത്യൻ വിപണിയിലുള്ള പുതിയ ഇസൂസു D-മാക്സ് V-ക്രോസ് ഫെയ്‌സ്ലിഫ്റ്റിന് കരുത്ത് പകരുന്നത്.

എഞ്ചിൻ അഞ്ച് സ്പീഡ് ഗിയർബോക്സുമായിട്ടാണ് ഘടിപ്പിച്ചിരിക്കുന്നത്. നിലവിലെ 1.9 ലിറ്റർ ഡീസൽ എഞ്ചിൻ ബി‌എസ്-IV കംപ്ലയിന്റാണ്, എന്നാൽ 2020 ന്റെ തുടക്കത്തിൽ ഇസൂസു എഞ്ചിൻ ബി‌എസ്-VI നിലവാരത്തിലേക്ക് ഉയർത്തും. പിക്ക്-അപ്പ് ട്രക്കിന്റെ പ്രാരംഭ പതിപ്പിന്റെ വില 15.51 ലക്ഷവും രൂപയും ഏറ്റവും ഉയർന്ന പതിപ്പിന്റെ വില 17.03 ലക്ഷം രൂപയുമാണ്.

വശങ്ങളും പിൻഭാഗവും ഏറെ കുറേ മാറ്റങ്ങൾ ഒന്നും തന്നെയില്ല. പുതിയ ശൈലിയിലുള്ള ചവിട്ടു പടിയകളും, പുതിയ എൽഇഡി ടൈൽ‌ലാമ്പുകളുമാണ് ചെറിയ മാറ്റങ്ങൾ. പുതിയ 18 ഇഞ്ച് അലോയി വീലുകളാണ്. D-മാക്സ് വി-ക്രോസിന്റെ ഉയർന്ന ഭാവം നിലനിർത്തിക്കൊണ്ടുള്ള ഡിസൈനാണ്.

ഇരട്ട എയർബാഗുകൾ, ABS+EBD, ISOFIX ചൈൽഡ് സീറ്റ് ഹുക്കുകൾ, പിൻ പാർക്കിങ് സെൻസറുകൾ, സ്പീഡ് അലേർട്ടുകൾ എന്നിവ ഉൾപ്പെടെ നിരവധി സുരക്ഷാ സവിശേഷതകളാണ് പുതുതലമുറ മോഡലിൽ ഉള്ളത്. സ്റ്റാൻഡേർഡ് ഗ്രേഡ്, ഹൈ ഗ്രേഡ് എന്നിങ്ങനെ രണ്ട് വകഭേതങ്ങളിൽ പുതിയ വാഹനം ലഭ്യമാകും.

Comments
Loading...