Ultimate magazine theme for WordPress.

ആദ്യ ഫോണായാണ് റിയൽമി C25Yന്റെ വരവ്. 4 ജിബി റാം, 64 ജിബി സ്റ്റോറേജ് പതിപ്പിന് 10,999 രൂപ

50 മെഗാപിക്സൽ പ്രൈമറി ക്യാമറയുള്ള C സീരീസിലെ ആദ്യ ഫോണായാണ് റിയൽമി C25Yന്റെ വരവ്. 4 ജിബി റാം, 64 ജിബി സ്റ്റോറേജ് പതിപ്പിന് 10,999 രൂപ, 4 ജിബി റാമും 128 ജിബി സ്റ്റോറേജുമുള്ള പതിപ്പിന് 11,999 രൂപ എന്നിങ്ങനെയാണ് റിയൽമി C25Yന്റെ വില.

ഷഓമിയുടെ റെഡ്മി 10 പ്രൈം ആണ് റിയൽമി C25Yന്റെ എതിരാളികളിൽ പ്രധാനി.
ഗ്ലേസിയർ ബ്ലൂ, മെറ്റൽ ഗ്രേ നിറങ്ങളിൽ റിയൽമി C25Y വാങ്ങാം
6.5-ഇഞ്ച് HD+ (720×1,600 പിക്സൽസ്) ഡിസ്പ്ലേ
അറിവിന്‍റെ ലോകം കീഴടക്കാന്‍ ആഗ്രഹമില്ലേ? ക്ലിക്ക് ചെയ്യൂ

 

ചൈനീസ് സ്മാർട്ട്ഫോൺ നിർമാതാക്കളായ റിയൽമി തങ്ങളുടെ ബജറ്റ് സ്മാർട്ട്ഫോൺ ശ്രേണിയായ C സിരീസിലേക്ക് C25Y അവതരിപ്പിച്ചു. 50 മെഗാപിക്സൽ പ്രൈമറി ക്യാമറയുള്ള C സീരീസിലെ ആദ്യ ഫോണായാണ് റിയൽമി C25Yന്റെ വരവ്. 50 മെഗാപിക്സൽ പ്രൈമറി സെൻസറുമായി അടുത്തിടെ വിപണിയിലെത്തിയ ഷഓമിയുടെ റെഡ്മി 10 പ്രൈം ആണ് റിയൽമി C25Yന്റെ എതിരാളികളിൽ പ്രധാനി.

4 ജിബി റാം + 64 ജിബി സ്റ്റോറേജ് പതിപ്പിന് 10,999 രൂപ, 4 ജിബി റാം + 128 ജിബി സ്റ്റോറേജ് പതിപ്പിന് 11,999 രൂപ എന്നിങ്ങനെയാണ് റിയൽമി C25Yന്റെ വില. ഗ്ലേസിയർ ബ്ലൂ, മെറ്റൽ ഗ്രേ നിറങ്ങളിൽ ലഭ്യമായ റിയൽമി C25Yന്റെ പ്രീ ഓർഡർ ഈ മാസം 20 മുതലും വില്പന 27 മുതലുമാണ് ക്രമീകരിച്ചിരിക്കുന്നത്. ഫ്ലിപ്കാർട്ട്, റിയൽമി.കോം എന്നീ വെബ്‌സൈറ്റുകളിലൂടെയാണ് വില്പന ക്രമീകരിച്ചിരിക്കുന്നത്.

ആൻഡ്രോയിഡ് 11 അടിസ്ഥാനമായ റിയൽ‌മി ആർ എഡിഷൻ ഇന്റർഫേസിലാണ് റിയൽമി C25Y പ്രവർത്തിക്കുന്നത്. 6.5-ഇഞ്ച് HD+ (720×1,600 പിക്സൽസ്) ഡിസ്പ്ലേയ്ക്ക് 20: 9 ആസ്പെക്ട് റേഷ്യോയും, 420 നിറ്റ് പീക്ക് ബ്രൈറ്റ്നസുമുണ്ട്. 4 ജിബി LPDDR4x റാമുമായി ചേർന്ന് പ്രവർത്തിക്കുന്ന ഒക്ട-കോർ യൂണിസോക്ക് T610 SoC പ്രോസസ്സറാണ് ഫോണിന്റെ കരുത്ത്.

ട്രിപ്പിൾ റിയർ ക്യാമറ സജ്ജീകരണമാണ് റിയൽമി C25Yയിൽ ഒരുക്കിയിരിക്കുന്നത്. 50 മെഗാപിക്സൽ പ്രൈമറി സെൻസർ (f1.8 ലെൻസ്) കൂടാതെ 2 മെഗാപിക്സൽ മോണോക്രോം സെൻസർ (f/2.4 ലെൻസ്), 2 മെഗാപിക്സൽ മാക്രോ ഷൂട്ടറും ചേർന്നതാണ് ട്രിപ്പിൾ കാമറ. മുൻവശത്ത് ഒരു എഫ്/2.0 ലെൻസുള്ള 8 മെഗാപിക്സൽ സെൽഫി ക്യാമറയും ക്രമീകരിച്ചിട്ടുണ്ട്.

മൈക്രോ എസ്ഡി കാർഡ് വഴി 256 ജിബി വരെ റിയൽമി C25Yയുടെ സ്റ്റോറേജ് വർദ്ധിപ്പിക്കാം. 18W ഫാസ്റ്റ് ചാർജിംഗ് പിന്തുണയുള്ള 5,000 എംഎഎച്ച് ബാറ്ററിയാണ് ഹാൻഡ്‌സെറ്റിൽ പായ്ക്ക് ചെയ്തിരിക്കുന്നത്. 48 ദിവസത്തെ സ്റ്റാൻഡ്ബൈ സമയം ഈ ബാറ്ററിക്കുണ്ട് എന്നാണ് റിയൽമിയുടെ അവകാശവാദം.
റിയൽമി C25Y സ്പെസിഫിക്കേഷനുകള്‍
പെർഫോമൻസ് Unisoc T610
ഡിസ്പ്ലേ 6.5 inches (16.51 cm)
സ്റ്റോറേജ് 128 GB
ക്യാമറ 50M P + 2 MP + 2 MP
ബാറ്ററി 5000 mAh
price_in_india 11999
റാം 4 GB

 

Expertouch Media Academy – EMA
Leave A Reply

Your email address will not be published.