EBM News Malayalam

പുതിയ വാറന്റി സ്കീം അവതരിപ്പിച്ച് ടാറ്റ

ടാറ്റ മോട്ടോർഴ്‌സിന്റെ ജനപ്രിയ എസ്‌യുവിയായ ഹാരിയറിനായി പെന്റാകെയർ എന്ന പേരിൽ വിപുലീകൃത വാറന്റി സ്കീം അവതരിപ്പിച്ച് കമ്പനി. ഇതോടെ ടാറ്റ ഹാരിയറിന്റെ പുതിയ സ്കീമിന് അഞ്ച് വർഷം പരിധിയില്ലാത്ത കിലോമീറ്റർ വിപുലീകൃത വാറന്റി കാലയളവ് ലഭിക്കും.

90 ദിവസത്തിനകത്ത് ഹാരിയർ സ്വന്തമാക്കിയ നിലവിലുള്ള എല്ലാ ഉപഭോക്താക്കളിൽ നിന്നും കമ്പനി 25,960 രൂപ ഈടാക്കും. അതുപോലെ, 91 മുതൽ 180 ദിവസത്തിനുള്ളിൽ എസ്‌യുവി വാങ്ങിയ ഉപഭോക്താക്കൾക്ക് 28,556 രൂപയും 180 ദിവസത്തിന് മുമ്പ് വാങ്ങിയവർക്ക് 31,152 രൂപയും നൽകേണ്ടിവരും. വിപുലീകരിച്ച വാറന്റി പാക്കേജിലെ 18 ശതമാനം ജിഎസ്ടി ചാർജുകൾ ഈ തുകകളിൽ ഉൾപ്പെടുന്നു.

പുതിയ അഞ്ച് വർഷത്തെ അല്ലെങ്കിൽ പരിധിയില്ലാത്ത കിലോമീറ്റർ വാറന്റി ഓഫറിൽ ലഭിക്കുന്ന രണ്ട് വർഷത്തെ സ്റ്റാൻഡേർഡ് വാറണ്ടി മൂന്ന് വർഷത്തേക്ക് കൂടി വര്‍ധിപ്പിക്കാൻ സാധിക്കും.

എന്നിരുന്നാലും എം‌ജി ഹെക്ടറിന്റെയും കിയ സെൽ‌റ്റോസിന്റെയും ഇന്ത്യയിലേക്കുള്ള കടന്നുവരവ് ഹാരിയറിന്റെ വിൽ‌പന ഗണ്യമായി കുറച്ചു. പുതിയ വിപുലീകൃത വാറന്റി പാക്കേജ് അവതരിപ്പിക്കുന്നതോടെ, കൂടുതൽ ഉപഭോക്താക്കളെ വാഹനത്തിലേക്ക് ആകർഷിക്കാൻ സാധിക്കുമെന്ന് ടാറ്റ പ്രതീക്ഷിക്കുന്നു.

2019 ജനുവരിയിലാണ് ടാറ്റാ ഹാരിയറിനെ ഇന്ത്യയിൽ വിപണിയിലെത്തിക്കുന്നത്. 12.68 ലക്ഷം രൂപ മുതലാണ് വാഹനത്തിന്റെ എക്സ്ഷോറൂം വില. തുടക്കത്തിൽ തന്നെ ടാറ്റ ഹാരിയർ വിൽപ്പനയുടെ കാര്യത്തിൽ മികച്ച പ്രകടനം കാഴ്ചവച്ചു. ഇത് കമ്പനിക്ക് മികച്ച വിൽപ്പനയാണ് നേടിക്കൊടുത്തത്.

Comments
Loading...