Ultimate magazine theme for WordPress.

വരുമാനത്തിൽ മെസിയെ പിന്തള്ളി റെണോൾഡോ ഒന്നാം സ്ഥാനത്തെത്തി

ഫുട്‌ബോൾ താരം ക്രിസ്റ്റ്യാനോ റൊണാൾഡോ ഇംഗ്ലണ്ടിന്റെ മാഞ്ചസ്റ്റർ യുണൈറ്റഡിൽ ചേരാൻ ഇറ്റലിയുടെ യുവന്റസിനെ ഉപേക്ഷിച്ച വാർത്ത അടുത്തിടെയാണ് വാർത്താ ശ്രദ്ധ പിടിച്ചുപറ്റിയത്. ക്ലബ് മാറ്റത്തോടെ വരുമാനത്തിൽ സൂപ്പർ താരം മെസിയെയാണ് റെണാൾഡോ മറിടന്നത്. മെസിയെ കൂടാതെ ക്ലബ് മാറ്റത്തോടെ മികച്ച വരുമാനം കഴിഞ്ഞ വർഷങ്ങളിൽ കരസ്ഥമാക്കിയ എൻ.എഫ്.എല്ലിന്റെ ടോം ബ്രാഡി, എൻ.ബി.എയുടെ ലെബ്രോൺ ജെയിംസ്, എം.എൽ.ബിയുടെ ബ്രൈസ് ഹാർപ്പർ എന്നിവരെയും റൊണാൾഡോ മറികടന്നു. അടുത്തിടെയാണ് മെസി ബാഴ്‌സലോണ വിട്ട് പാരീസ് സെന്റ് ജെർമെയ്‌നിൽ ചേർന്നത്.

36 വയസുകാരനായ പൊർച്ചുഗല്ലുകാരൻ ക്രിസ്റ്റ്യാനോ റൊണാൾഡോയുടെ നിലവിലെ ആസ്തി 12.5 കോടി ഡോളറാണ്. ഇതിൽ ഏഴു കോടി ഡോളർ ശമ്പളം, ബോണസ് ഇനത്തിൽ മാഞ്ചസ്റ്റർ യുണൈറ്റഡ് നൽകുന്നതാണ്. 2003നും 2009നും ഇടയിൽ തുടർച്ചയായി മൂന്നു പ്രീമിയർ ലീഗീ വിജയങ്ങളും ഒരു ചാമ്പ്യൻ ലീഗ് കിരീടവും റൊണാൾഡോ കരസസ്ഥമാക്കിയിരുന്നു. ബാക്കിയുള്ള വരുമാനം വ്യക്തിഗത അംഗീകാരങ്ങളിൽ നിന്നും നൈക്ക്, ഹെർബലൈഫ്, ക്ലിയർ എന്നിവയുൾപ്പെടെയുള്ള ബ്രാൻഡുകളുമായുള്ള പങ്കാളിത്തത്തിൽ നിന്നുമാണ്. പെർഫ്യൂം, അടിവസ്ത്രം, ഐവെയർ, ഹോട്ടലുകൾ, ജിമ്മുകൾ എന്നിവ ഉൾപ്പെടുന്ന സ്വന്തം ബ്രാൻഡായ സി.ആർ- 7ഉം വരുമാനം തന്നെ. റോജർ ഫെഡറർ (ഒൻപത് കോടി ഡോളർ), ലെബ്രോൺ ജെയിംസ് (6.5 കോടി ഡോളർ), ടൈഗർ വുഡ്‌സ് (ആറ് കോടി ഡോളർ) എന്നിവരാണ് വാണിജ്യപരമായി മികച്ച നേട്ടമുണ്ടാക്കുന്ന മറ്റു കായികതാരങ്ങൾ.

റെണാൾഡോ- മെസി ആരാധകൾ തമ്മിലുള്ള വാക്കേറ്റങ്ങൾ എന്നും ശ്രദ്ധേയമാണ്. കളിക്കളത്തിനു പുറത്ത് വരുമാനത്തിലും മെസിയും റൊണാൾഡോയും തമ്മിലാണ് പ്രധാന മത്സരം. ലാ ലിഗ സാമ്പത്തിക തടസങ്ങൾ കാരണം മെസി ക്ലബ്ബിൽ തുടരില്ലെന്ന് ബാഴ്‌സലോണ പ്രഖ്യാപിച്ചതും അടുത്തിടെയാണ്. മഹത്തായ ഒരു യുഗത്തിന്റെ അവസാനമായാണ് ഇതിനെ വിശേഷിപ്പിക്കുന്നത്. 34 വയസുകാരനായ അർജന്റീനക്കാരൻ ഫുട്‌ബോൾ മിശിഹയുടെ വരുമാനം 11 കോടി ഡോളറാണ്. ഇതിൽ 8.75 കോടി ഡോളർ ശമ്പളവും ബോണസുമാണ്. ബാക്കി 3.5 കോടി ഡോളർ പുരസ്‌കാരങ്ങളിൽ നിന്നും പരസ്യങ്ങളിൽനിന്നുമാണ്.

ലോകത്തിലെ ഏറ്റവും ജനപ്രിയ കായികതാരങ്ങളാണ് ക്രിസ്റ്റ്യാനോ റൊണാൾഡോയും മെസിയും. ഈ ബഹുമതി തന്നെയാണ് റെക്കോഡ് വരുമാനത്തിനും കാരണം. 14.9 കോടി ആരാധകരാണ് റൊണാൾഡോയെ ഫെയ്‌സ്ബുക്കിൽ പിന്തുടരുന്നത്. ഇൻസ്റ്റഗ്രാമിൽ 34.4 കോടി പേരും ട്വിറ്ററിൽ 9.43 കോടി പേരും ഇദ്ദേഹത്തെ പിന്തുടരുന്നുണ്ട്. അടുത്തകാലത്ത് ഒരു മത്സരത്തിന്റെ പ്രമോഷനിടെ വേദിയിലിരുന്ന രണ്ട് കൊക്കക്കോള കുപ്പി എടുത്തുമാറ്റി വെള്ളം കുപ്പി ഉയർത്തികാട്ടിയത് കമ്പനിയുടെ ഓഹരിവില കൂപ്പുകുത്താൻ വഴിവച്ചിരുന്നു.

Expertouch Media Academy – EMA
Leave A Reply

Your email address will not be published.