EBM News Malayalam

ഷവോമി മീ സൂപ്പര്‍ സെയില്‍

ഷവോമിയുടെ ഔദ്യോഗിക വെബ്‌സൈറ്റായ Mi.com-ല്‍ മീ സൂപ്പര്‍ സെയില്‍ നടക്കുകയാണ്. ഓഗസ്റ്റ് 12-ന് ആരംഭിച്ച സെയില്‍ ഓഗസ്റ്റ് 18-ന് അവസാനിക്കും. സെയിലിന്റെ ഭാഗമായി എട്ട് ഷാവോമി സ്മാര്‍ട്ട്‌ഫോണുകള്‍ക്ക് 8000 രൂപ വരെ ഡിസ്‌കൗണ്ട് നേടാം.

ഷവോമി മി എ2, ഷവോമി റെഡ്മി Y3, Poco F1 എന്നിവയ്ക്ക് 2000 രൂപ വരെ എക്‌സ്‌ചേഞ്ച് ഓഫറും ലഭിക്കും.

4ജിബി റാമും 64 ജിബി ഇന്റേണല്‍ സ്റ്റോറേജുമുള്ള റെഡ്മി നോട്ട് 7 പ്രോ അടിസ്ഥാന മോഡലിന്റെ വില 13999 രൂപയാണ്. 15999 രൂപയാണ് ഇതിന്റെ യഥാര്‍ത്ഥ വില. നെപ്ട്യൂണ്‍ ബ്ലൂ, സ്‌പെയ്‌സ് ബ്ലാക്ക്, നെബുല റെഡ് എന്നീ നിറങ്ങളില്‍ ഈ ഫോണ്‍ ലഭിക്കും. ക്വാല്‍കോം സ്‌നാപ്ഡ്രാഗണ്‍ 675 പ്രോസസ്സര്‍, 4000 mAh ബാറ്ററി, പിന്നില്‍ 48MP+5MP ക്യാമറകള്‍, 13MP സെല്‍ഫി ക്യാമറ എന്നിവയാണ് റെഡ്മി നോട്ട് 7 പ്രോയുടെ മറ്റ് പ്രത്യേകതകള്‍.

2000 രൂപ വിലക്കിഴിവോടെ 9999 രൂപയ്ക്ക് റെഡ്മി നോട്ട് 7S സെയിലില്‍ സ്വന്തമാക്കാം. ഫോണിന്റെ പ്രധാന സവിശേഷതകള്‍ 6.3 ഇഞ്ച് എഫ്എച്ച്ഡി+ ഡിസ്‌പ്ലേ, 2340X1080p റെസല്യൂഷന്‍, 4000mAh ബാറ്ററി, ക്വാല്‍കോം സ്‌നാപ്ഡ്രാഗണ്‍ 660 പ്രോസസ്സര്‍, പിന്നില്‍ 48+5MP ക്യാമറകള്‍ എന്നിവയാണ്.

റെഡ്മി Y3-യുടെ 3ജിബി റാം, 32 ജിബി സ്റ്റോറേജ് മോഡല്‍ 8999 രൂപയ്ക്ക് വില്‍ക്കുന്നു. പ്രൈം ബ്ലാക്ക്, എലഗന്റ് ബ്ലൂ, ബോള്‍ഡ് റെഡ് എന്നീ നിറങ്ങളില്‍ ഫോണ്‍ ലഭിക്കും. ക്വാല്‍കോം സ്‌നാപ്ഡ്രാഗണ്‍ 632 പ്രോസസ്സര്‍, 4000 mAh ബാറ്ററി, 6.26 ഇഞ്ച് എച്ച്ഡി+ ഡിസ്‌പ്ലേ മുതലായവ ഫോണിനെ ആകര്‍ഷകമാക്കുന്നു.

Comments
Loading...