EBM News Malayalam

ട്രയംഫ് തങ്ങളുടെ ടൈഗര്‍ 850 സ്‌പോര്‍ട്ട് പതിപ്പിനെ അവതരിപ്പിക്കാനൊരുങ്ങുന്നു

ട്രയംഫ് അവരുടെ പുതിയ എന്‍ട്രി ലെവല്‍ മോട്ടോര്‍സൈക്കിളായ ട്രൈഡന്റിനെക്കുറിച്ച് കഴിഞ്ഞ ദിവസമാണ് വെളിപ്പെടുത്തല്‍ നടത്തിയത്. എന്നാല്‍ ബ്രാന്‍ഡില്‍ നിന്നും വേറെയും നിരവധി മോഡലുകള്‍ വിപണിയില്‍ എത്തിയേക്കുമെന്നാണ് സൂചന.

ഏറ്റവും പുതിയ റിപ്പോര്‍ട്ട് അനുസരിച്ച് പുതിയ ടൈഗര്‍ 850 സ്പോര്‍ട്ട് ഉള്‍പ്പെടെ നിരവധി പുതിയ ബൈക്കുകളില്‍ കമ്പനി അണിയറയില്‍ സജ്ജമാക്കുന്നുണ്ടെന്നാണ് സൂചന. വരാനിരിക്കുന്ന ഈ ബൈക്ക് പുതിയ ടൈഗര്‍ 900 അടിസ്ഥാനമാക്കിയുള്ളതാണ്.

ടൈഗര്‍ 900-നെ അപേക്ഷിച്ച് ടൈഗര്‍ സ്‌പോര്‍ട്ട് റേഞ്ച് മോട്ടോര്‍സൈക്കിളുകള്‍ക്ക് വ്യത്യസ്തമായ ഡിസൈന്‍ ഭാഷ നിര്‍മ്മാതാക്കള്‍ നല്‍കിയേക്കും. അതിനാല്‍ ഈ പുതിയ ട്രയംഫ് അതേ വഴി പിന്തുടരുമെന്ന് പ്രതീക്ഷിക്കുക.

ഇരട്ട ഹെഡ്‌ലാമ്പ്‌ സജ്ജീകരണം, വലിയ വിന്‍ഡ്സ്‌ക്രീനും ഉണ്ടാകും. സവാരി എര്‍ണോമിക്‌സ് സുഖകരമാകുമെങ്കിലും അതിന് ഒരു സ്‌പോര്‍ട്ടി അനുഭവം ഉണ്ടാകും. മെക്കാനിക്കലുകളുടെ കാര്യത്തില്‍, പുതിയ ടൈഗര്‍ 850 സ്പോര്‍ട്ട് ടൈഗര്‍ 900-ല്‍ കാണുന്ന അതേ എഞ്ചിന്‍ ഉപയോഗിക്കും.

അതായത് 8,750 rpm -ല്‍ 94 bhp ആയിരിക്കും കരുത്ത്. ടോര്‍ക്കും സമാനമായി തന്നെ തുടരും. ശ്രേണിയില്‍ മത്സരം കൂടുതല്‍ ശക്തമാക്കുന്നതിന് ഏറ്റവും പുതിയ ഗാഡ്ജെറ്റുകളും ബൈക്കിന് ലഭിക്കാന്‍ സാധ്യതയുണ്ട്.

ഒരിക്കല്‍ വിപണിയിലെത്തിയാല്‍, ഏതാനും മാസങ്ങള്‍ക്ക് മുമ്പ് ഇന്ത്യയില്‍ അവതരിപ്പിച്ച ബിഎംഡബ്ല്യു F900 XR -നെതിരെ മത്സരിക്കും. നിര്‍ഭാഗ്യവശാല്‍, ടൈഗര്‍ സ്‌പോര്‍ട്ട് ബ്രാന്‍ഡ് ഒരിക്കലും ഇന്ത്യയിലേക്ക് പ്രവേശിച്ചിട്ടില്ല.

എന്നാല്‍ ബിഎംഡബ്ല്യു എതിരാളിയുടെ സാന്നിധ്യം കാരണം ബ്രിട്ടീഷ് ബ്രാന്‍ഡിന്റെ ഇന്ത്യന്‍ വിഭാഗം അടുത്ത വര്‍ഷം ഇത് കൊണ്ടുവരുമെന്നാണ് സൂചന. ട്രയംഫിന്റെ വരാനിരിക്കുന്ന എന്‍ട്രി ലെവല്‍ ബൈക്കായ ട്രൈഡന്റിന്റെ പ്രൊഡക്ഷന്‍ മോഡല്‍ 2020 ഒക്ടോബര്‍ 30 ന് അവതരിപ്പിക്കും.

ഇത് ബ്രിട്ടീഷ് ബ്രാന്‍ഡിന്റെ റോഡ്സ്റ്റര്‍ നിരയിലെ ഏറ്റവും താങ്ങാനാവുന്ന മോട്ടോര്‍സൈക്കിള്‍ ആയിരിക്കും. നേരത്തെ ട്രൈഡന്റിന്റെ പ്രോട്ടോടൈപ്പ് കമ്പനി പ്രദര്‍ശിപ്പിച്ചപ്പോള്‍ തന്നെ ഏറെ ചര്‍ച്ചയായിരുന്നു.

പുതിയ ട്രയംഫ് ട്രൈഡന്റ് ഒരു മിഡില്‍വെയ്റ്റ് റോഡ്സ്റ്റര്‍ മോഡലായിരിക്കും. അത് ട്രയംഫ് സ്ട്രീറ്റ് ട്രിപ്പിള്‍ ശ്രേണിക്ക് താഴെയായി ഇടംപിടിക്കുകയും ഇന്‍ലൈന്‍ ത്രീ സിലിണ്ടര്‍ എഞ്ചിന്‍ ഉപയോഗിച്ച് പ്രവര്‍ത്തിക്കുകയും ചെയ്യും.

ആപ്‌ ഡൗൺലോഡ് ചെയ്ത് വാർത്തകൾ ആസ്വദിക്കുക

https://play.google.com/store/apps/details?id=com.ebmnews

ഞങ്ങളുടെ പേജ് ലൈക്ക് ചെയ്ത് വാർത്തകൾ നിങ്ങൾക്കും ഞങ്ങളിലേക്ക് എത്തിക്കാം

https://facebook.com/ebmnewsmalayalam

ന്യൂസ് വിഡിയോ കാണുന്നതിനായി സബ്സ്ക്രൈബ് ചെയ്യുക

https://www.youtube.com/c/EBMNewsMalayalam?sub_confirmation=1

കൂടുതൽ വാർത്തകൾ വേഗത്തിലറിയാൻ ഞങ്ങളുടെ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/LycG0gjNU3p7V3vgBkxnVu

Comments are closed.