EBM News Malayalam

ക്വിഡിന്റെ ഇലക്ട്രിക്ക് പതിപ്പ് ചൈനയില്‍

ഫ്രഞ്ച് കാര്‍ നിര്‍മാതാക്കളായ റെനോയുടെ ജനപ്രിയ മോഡലായ ക്വിഡിന്റെ ഇലക്ട്രിക്ക് പതിപ്പ് ചൈനയില്‍ അവതരിപ്പിച്ചു. സിറ്റി K-ZE എന്ന പേരിലാണ് ചൈനയില്‍ മോഡല്‍ അവതരിപ്പിച്ചിരിക്കുന്നത്. 61,800 യുവാനാണ് ക്വിഡിന്റെ ബേസ് വേരിയന്റിന്റെ ചൈനയിലെ വില.

ഇന്ത്യയില്‍ ഏകദേശം 6.22 ലക്ഷം രൂപ. ഒറ്റ ചാര്‍ജില്‍ 271 കിലോ മീറ്റര്‍ വരെ സഞ്ചരിക്കാന്‍ വാഹനത്തിന് സാധിക്കുമെന്നാണ് കമ്പനിയുടെ അവകാശവാദം. 2022 -ഓടെ K-ZE മോഡലിനെ ഇന്ത്യന്‍ വിപണിയില്‍ എത്തിക്കുമെന്നാണ് കമ്പനി അറിയിച്ചിരിക്കുന്നത്.

26.8kWh ലിഥിയം അയണ്‍ ബാറ്ററിയാണ് K-ZE -യുടെ കരുത്ത്. 43.3 bhp കരുത്തും 125 Nm torque ഉം ആണ് ഈ ഇലക്ട്രിക്ക് ബാറ്ററിയുടെ ഉത്പാദിപ്പിക്കുന്നത്. ക്വിഡ് നിര്‍മ്മിച്ച പ്ലാറ്റ് ഫോമില്‍ തന്നെയാവും K-ZE -യും വിപണിയില്‍ എത്തുക.

എസി, ഡിസി അതിവേഗ ചാര്‍ജിങ്ങുകളും ബാറ്ററി പിന്തുണക്കും. 6.6kWh എസി ചാര്‍ജര്‍ ഉപയോഗിച്ച് നാല് മണിക്കൂര്‍ കൊണ്ട് ബാറ്ററി പൂര്‍ണ്ണമായും ചാര്‍ജ് ചെയ്യാം. ഡിസി ചാര്‍ജറില്‍ 30 ശതമാനത്തില്‍ 60 ശതമാനത്തിലേക്ക് എത്താന്‍ കേവലം അരണിക്കൂര്‍ മതിയാകുമെന്നാണ് റിപ്പോര്‍ട്ട്.

രൂപത്തില്‍ റെഗുലര്‍ ക്വിഡുമായി സാമ്യമുണ്ടെങ്കിലും മുന്‍വശത്ത് കാര്യമായ മാറ്റം കമ്പനി വരുത്തിയിട്ടുണ്ട്. വളരെ നേര്‍ത്ത എല്‍ഇഡി ഹെഡ്ലാമ്പ്, ഡേടൈം റണ്ണിങ് ലാമ്പുകള്‍, സ്‌കിഡ് പ്ലേറ്റ് എന്നിവയാണ് മുന്‍വശത്തെ പുതുമളാണ്. ഗ്രില്ലിലും വി ഷേപ്പഡ് ക്രോമിയം ലൈനുകള്‍ നല്‍കിയിരിക്കുന്നത് കാണാം.

8 ഇഞ്ച് ടച്ച് സ്‌ക്രീന്‍ ഇന്‍ഫോടെയിന്‍മെന്റ് സിസ്റ്റം, 4G വൈഫൈ കണക്ടിവിറ്റി, ഓണ്‍ലൈന്‍ മ്യൂസിക് എന്നിവ പുതിയ കാറിന്റെ പ്രത്യേകതകളാണ്. കുറഞ്ഞ വിലയില്‍ ചൈനയില്‍ അവതരിപ്പിച്ച് കാര്‍ ഇന്ത്യന്‍ വിപണിയില്‍ എത്തുമ്പോഴും ചലങ്ങള്‍ സൃഷ്ടിക്കുമെന്നാണ് കമ്പനിയുടെ പ്രതീക്ഷ.

Comments
Loading...