EBM News Malayalam

20 വർഷത്തെ ഭവനവായ്പകൾക്ക് 24 വർഷത്തെ ഇ.എം.ഐ

ന്യൂഡൽഹി: 20 വർഷത്തെ ഭാവന വായ്പയെടുക്കുന്നവർ 24 വർഷം ഇ.എം.ഐ ആയി അടക്കേണ്ടതായി വരുന്നു. ആർബിഐയുടെ നിരക്ക് വർദ്ധന വായ്പയെടുക്കുന്നവരെ പ്രതിസന്ധിയിലാക്കുന്നു. റിസർവ് ബാങ്ക് ഓഫ് ഇന്ത്യ (ആർബിഐ) തുടർച്ചയായി പലിശനിരക്ക് ഉയർത്തുന്നത് ഭവനവായ്പകളുടെ കാലാവധി വർധിപ്പിക്കുന്നതിന് കാരണമായി. 20 വർഷത്തെ ഭവനവായ്പ എടുത്തവർക്ക് 4 വർഷം അധികമായി ലഭിക്കുന്നു. 20 വർഷത്തേക്ക് വായ്പയെടുത്തവർ 24 വർഷം ഇ.എം.ഐ അടയ്‌ക്കേണ്ടതായി വരുന്നു. ഇക്കണോമിക് ടൈംസിന്റെ റിപ്പോർട്ടിലാണ് ഇക്കാര്യം സൂചിപ്പിക്കുന്നത്.

2-3 വർഷം മുമ്പ് ദീർഘകാല ഭവനവായ്പ എടുത്തിട്ടുള്ള വായ്പക്കാർ ഇപ്പോൾ അവരുടെ തുല്യമായ പ്രതിമാസ തവണകളിൽ (ഇഎംഐകൾ) ഗണ്യമായ വർദ്ധനവ് കണ്ടുവരുന്നു. ഉദാഹരണത്തിന് ഒരു വ്യക്തി 2019 ഏപ്രിലിൽ 50 ലക്ഷം രൂപയുടെ 20 വർഷത്തെ ഭവനവായ്പ എടുത്താൽ, സമീപകാല റിപ്പോ നിരക്ക് വർദ്ധന കാരണം അവരുടെ ഇഎംഐകളുടെ എണ്ണം ഇപ്പോൾ ഒറിജിനലിനേക്കാൾ കൂടുതലായിരിക്കും. ഇത് ഭവൻ വായ്പകളുടെ തിരിച്ചടവ് കാലാവധി നീട്ടുന്നതിലേക്ക് കാരണമായി.

ഏപ്രിൽ മുതൽ, ഉയർന്ന പണപ്പെരുപ്പം നേരിടാൻ റിസർവ് ബാങ്ക് നാല് തവണ റിപ്പോ നിരക്ക് 190 ബേസിസ് പോയിന്റ് (ബിപിഎസ്) വർധിപ്പിച്ച് 5.9 ശതമാനമാക്കിയിരുന്നു. തൽഫലമായി, ഭവനവായ്‌പ നിരക്കുകൾ ഏകദേശം 140 ബേസിസ് പോയിന്റുകൾ ഉയർന്നു. വരും ദിവസങ്ങളിൽ അവ 50 ബേസിസ് പോയിന്റുകൾ കൂടി ഉയരുമെന്നാണ് പ്രതീക്ഷിക്കുന്നത്.

അതിനാൽ, ഒരു വ്യക്തി 2019 ഏപ്രിലിൽ 50 ലക്ഷം രൂപ 20 വർഷത്തെ അടവ് കണക്കിൽ ഭവനവായ്പ എടുത്താൽ, നിരക്ക് വർദ്ധനവ് കാരണം അവരുടെ ഇഎംഐകളുടെ എണ്ണം ഒറിജിനലിനേക്കാൾ കൂടുതലായിരിക്കും. അവരുടെ യഥാർത്ഥ കാലാവധിയേക്കാൾ ദൈർഘ്യമേറിയ കാലയളവിലാണ് പുതിയ പരിഷ്‌കാരം. കഴിഞ്ഞ അഞ്ച് മാസത്തിനിടെ ഭവനവായ്പ നിരക്ക് 6.5 ശതമാനത്തിൽ നിന്ന് 8.25 ശതമാനമായി കുത്തനെ ഉയർന്നു. 2019-ൽ 6.7% നിരക്കിൽ എടുത്ത 20 വർഷത്തെ ഭവനവായ്പ മൂന്ന് വർഷത്തേക്ക് EMI അടച്ചിട്ടുണ്ടെങ്കിലും 21 വർഷത്തിനുള്ളിൽ തിരിച്ചടയ്ക്കണമെന്നാണ്.

ഏറ്റവും പുതിയ പണ നയ പ്രഖ്യാപനത്തിലാണ് പുതിയ മാറ്റം. RBI 2023 സാമ്പത്തിക വർഷത്തിലെ പണപ്പെരുപ്പ ലക്ഷ്യം മാറ്റമില്ലാതെ 6.7 ശതമാനമായി നിലനിർത്തി. നടപ്പ് സാമ്പത്തിക വർഷത്തിന്റെ ശേഷിക്കുന്ന കാലയളവിൽ, പണപ്പെരുപ്പം ഉയർന്ന സഹിഷ്ണുത പരിധിയായ 6 ശതമാനത്തിന് മുകളിലായിരിക്കുമെന്ന് പ്രതീക്ഷിക്കുന്നതായി ഗവർണർ ശക്തികാന്ത ദാസ് പറഞ്ഞു. വരും മാസങ്ങളിലും ആർബിഐ റിപ്പോ നിരക്ക് ഉയർത്തിയേക്കുമെന്ന് വിദഗ്ധർ അഭിപ്രായപ്പെടുന്നു. യുഎസ് ഫെഡറൽ റിസർവും (ഫെഡ്) നിരക്ക് വർദ്ധനയിൽ സമാനമായ നിലപാടാണ് സ്വീകരിക്കുന്നത്. കടം വാങ്ങുന്നവർക്ക് ഒന്നുകിൽ ഉയർന്ന ഇഎംഐ വഴി വായ്പ അടയ്ക്കാം. അല്ലെങ്കിൽ, കുടിശ്ശികയുള്ള പ്രിൻസിപ്പൽ തുകയുടെ ഒറ്റത്തവണ പണമടയ്ക്കാൻ അവർക്ക് കഴിയും.