EBM News Malayalam

2021 CB1000R സ്പോർട്‌സ് ബൈക്കിന്റെ ആദ്യ ടീസർ വീഡിയോ പുറത്തിറക്കി ഹോണ്ട

പുതിയ 2021 CB1000R സ്പോർട്‌സ് ബൈക്കിന്റെ ആദ്യ ടീസർ വീഡിയോ പുറത്തിറക്കി ഹോണ്ട. പുതിയ ലിറ്റർ ക്ലാസ് മോട്ടോർസൈക്കിളിൽ ജാപ്പനീസ് ബ്രാൻഡ് ഒരുപാട് മാറ്റങ്ങളൊന്നും അവതരിപ്പിക്കില്ലെന്നാണ് ടീസർ സൂചന നൽകുന്നത്.

എങ്കിലും പുതിയ മോഡലിന് പുതുമകൾ നൽകാൻ ചെറിയ വിഷ്വൽ ട്വീക്കുകൾ സംയോജിപ്പിക്കാനുള്ള അവസരം ഹോണ്ട ഉപയോഗപ്പെടുത്തിയിട്ടുണ്ട്. 2021 CB1000R പരിചിതമായ അതേ എൽഇഡി ഹെഡ്‌ലൈറ്റ് സജ്ജീകരണമാണ് മുമ്പോട്ടുകൊണ്ടുപോകുന്നത്.

മോട്ടോർസൈക്കിളിന് ധീരമായ രൂപം നൽകുന്ന ഹോഴ്‌സ്ഷൂ പോലുള്ള സിഗ്നേച്ചർ എൽ‌ഇഡി ഡി‌ആർ‌എല്ലുകളും ജാപ്പനീസ് ബൈക്കിന്റെ സൗന്ദര്യം കൂട്ടുന്നു. പുതുക്കിയ CB1000R-ൽ കുറച്ചുകൂടി പ്രതീകം ചേർക്കുന്ന ഒരു പുതിയ കുഞ്ഞൻ ഫ്ലൈസ്‌ക്രീനും ഹോണ്ട ഉപയോഗിച്ചിട്ടുണ്ട്.

ബൈക്കിൽ സാധാരണ കണ്ടുവരുന്ന കോൺട്രാസ്റ്റിംഗ് സിൽവർ കളറിലുള്ള ഫോർക്ക് ക്ലാമ്പുകൾ ഇപ്പോൾ കറുപ്പിലാണ് ഒരുങ്ങിയിരിക്കുന്നത്. കൂടാതെ റേഡിയേറ്റർ ഫ്രെയിം ചെയ്‌ത ഫ്യുവൽ ടാങ്കിന് അടിവരയിടുന്ന സൈഡ് പ്ലേറ്റുകളുടെ ആകൃതിയിലും ഹോണ്ട മാറ്റം വരുത്തിയിട്ടുണ്ടെന്നും തോന്നുന്നു.

2021 CB1000R-ൽ പുതിയ അലോയ് വീലുകളും ഹോണ്ട സമ്മാനിച്ചിട്ടുണ്ടെന്നാണ് ടീസർ വീഡിയോ സൂചിപ്പിക്കുന്നത്. പുതിയ ലിറ്റർ ക്ലാസ് മോട്ടോർസൈക്കിളിന്റെ എഞ്ചിനിലും പെർഫോമൻസിലും കൈകടത്താനോ മാറ്റങ്ങൾ വരുത്താനോ ജാപ്പനീസ് ബ്രാൻഡ് തയാറായിട്ടില്ല.

അതിനാൽ CB1000R ലിക്വിഡ്-കൂളിംഗും 16 വാൽവുകളും വരുന്ന 998 സിസി ഇൻലൈൻ 4-സിലിണ്ടർ എഞ്ചിൻ തന്നെ ഉപയോഗിക്കും. 2020 മോഡൽ 10,500 rpm-ൽ 143.4 bhp പവറും 8,250 rpm-ൽ 104 Nm torque ഉം ഉത്പാദിപ്പിക്കാൻ ശേഷിയുള്ളതാണെന്ന് സാരം.

2021 ഹോണ്ട CB1000R നവംബർ 10 ന് അന്താരാഷ്‌ട്ര തലത്തിൽ അരങ്ങേറ്റം കുറിക്കും. തുടർന്ന് അടുത്ത വർഷത്തോടെ ബൈക്ക് ഇന്ത്യൻ വിപണിയിലും എത്തുമെന്നാണ് പ്രതീക്ഷിക്കുന്നത്. 15 ലക്ഷം മുതൽ 16 ലക്ഷം രൂപ വരെ പുതുക്കിയ മോഡലിന് വില പ്രതീക്ഷിക്കാം.

നിലവിൽ CB1000R ന് എതിരാളികളായ ഇന്ത്യൻ ബൈക്കുകൾ ഹോണ്ട ആഫ്രിക്ക ട്വിൻ, ഡ്യുക്കാട്ടി സ്‌ക്രാംബ്ലർ 1100, ട്രയംഫ് ടൈഗർ 900 എന്നിവയാണ്. കൂടാതെ ഇന്ത്യൻ FTR 1200 മോഡലിനും ഹോണ്ടയുടെ പ്രീമിയം നേക്കഡിന് വെല്ലുവിളി ഉർത്താൻ കഴിയും.

ആപ്‌ ഡൗൺലോഡ് ചെയ്ത് വാർത്തകൾ ആസ്വദിക്കുക

https://play.google.com/store/apps/details?id=com.ebmnews

ഞങ്ങളുടെ പേജ് ലൈക്ക് ചെയ്ത് വാർത്തകൾ നിങ്ങൾക്കും ഞങ്ങളിലേക്ക് എത്തിക്കാം

https://facebook.com/ebmnewsmalayalam

ന്യൂസ് വിഡിയോ കാണുന്നതിനായി സബ്സ്ക്രൈബ് ചെയ്യുക

https://www.youtube.com/c/EBMNewsMalayalam?sub_confirmation=1

കൂടുതൽ വാർത്തകൾ വേഗത്തിലറിയാൻ ഞങ്ങളുടെ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/LycG0gjNU3p7V3vgBkxnVu

Comments are closed.