EBM News Malayalam

കുന്ദ്രയെ കൈവിട്ട് ശില്‍പ ഷെട്ടി

കുന്ദ്രയെ കൈവിട്ട് ശില്‍പ ഷെട്ടി! തിരക്ക് കാരണം ഭര്‍ത്താവിന്റെ ജോലി എന്തെന്ന് അന്വേഷിക്കാന്‍ സാധിച്ചില്ല! ആപ്പുകളെക്കുറിച്ചും അറിയില്ല! സ്‌നേഹപ്രകടനങ്ങള്‍ കുന്ദ്രയ്ക്ക് കുരുക്ക് തന്നെ!

 

ബോളിവുഡ് സിനിമയിലെ പവര്‍കപ്പിള്‍സായാണ് ശില്‍പ ഷെട്ടിയേയും രാജ് കുന്ദ്രയേയും വിശേഷിപ്പിച്ചിരുന്നത്. ബിസിനസുകാരനായ കുന്ദ്ര നീലച്ചിത്ര നിര്‍മ്മാണ കേസില്‍ അറസ്റ്റിലായപ്പോള്‍ സിനിമാലോകവും പ്രേക്ഷകരും ഒരുപോലെ ഞെട്ടിയിരുന്നു. സമ്പന്നതയും താരപ്പകിട്ടും ആഡംബര ജീവിതവുമുണ്ടായിട്ടും കുന്ദ്ര എന്തിനാണ് ഇങ്ങനെ ചെയ്തതെന്നായിരുന്നു എല്ലാവരും ചോദിച്ചത്. ഭര്‍ത്താവിന്റെ അറസ്റ്റില്‍ മനംനൊന്ത് ശില്‍പയും ചോദിച്ചത് എന്തിനായിരുന്നു ഇതെന്നായിരുന്നു. കുന്ദ്രക്കെതിരെ സമര്‍പ്പിച്ച കുറ്റപത്രത്തില്‍ ശില്‍പയുടെ മൊഴിയും രേഖപ്പെടുത്തിയിട്ടുണ്ട്. നടിയുടെ മൊഴിയെക്കുറിച്ചുള്ള ചര്‍ച്ചകളിലാണ് ആരാധകര്‍.

സിനിമയുമായി ബന്ധപ്പെട്ട തിരക്കുകളിലായിരുന്നു. ഭര്‍ത്താവ് എന്താണ് ചെയ്തിരുന്നതെന്ന് അറിയില്ല. അദ്ദേഹത്തിന്റെ ബിസിനസുമായി തനിക്ക് യാതൊരു ബന്ധവുമില്ല. ഇതായിരുന്നു ശില്‍പ ഷെട്ടിയുടെ വാക്കുകള്‍. നീലച്ചിത്രങ്ങള്‍ പ്രദര്‍ശിപ്പിക്കാനായി ഉപയോഗിച്ചിരുന്ന ആപ്പുകളെക്കുറിച്ച് അറിയില്ലെന്നും നടി വ്യക്തമാക്കിയിട്ടുണ്ട്. കുന്ദ്രയ്‌ക്കെതിരെ 1400 പേജുള്ള കുറ്റപത്രമാണ് മുംബൈ പോലീസ് സമര്‍പ്പിച്ചിട്ടുള്ളത്. സാക്ഷിയായാണ് ശില്‍പ ഷെട്ടിയെ ഉള്‍പ്പെടുത്തിയിട്ടുള്ളത്.

ജൂലൈ 19നായിരുന്നു നീലച്ചിത്ര നിര്‍മ്മാണവുമായി ബന്ധപ്പെട്ട കേസില്‍ രാജ് കുന്ദ്രയുടെ അറസ്റ്റ്. അന്വേഷണ സമയത്ത് 4 പേര്‍ കുന്ദ്രയ്‌ക്കെതിരെ മൊഴി നല്‍കിയിരുന്നു. അഭിനയിക്കുന്നതിനായി തങ്ങളെ കുന്ദ്ര സമീപിച്ചിരുന്നുവെന്നും അദ്ദേഹത്തില്‍ നിന്നും മോശം അനുഭവം ഉണ്ടായെന്നും വ്യക്തമാക്കി അഭിനേത്രികളും എത്തിയിരുന്നു. നീലച്ചിത്രമല്ല താന്‍ നിര്‍മ്മിച്ചതെന്നായിരുന്നു കുന്ദ്രയുടെ പ്രതികരണം. ഒടിടിയില്‍ കാണുന്ന സ്‌നേഹപ്രകടനങ്ങളായിരുന്നു വീഡിയോകളിലുണ്ടായിരുന്നതെന്നായിരുന്നു അദ്ദേഹത്തിന്റെ വാക്കുകള്‍.

എല്ലാവിധ സുഖസൗകര്യങ്ങളും നമുക്കുണ്ട്, എന്തിനായിരുന്നു ഇത്. ഇങ്ങനെ ചെയ്യേണ്ട കാര്യമെന്തായിരുന്നുവെന്നായിരുന്നു ശില്‍പ ഷെട്ടി കുന്ദ്രയോട് ചോദിച്ചത്. തെളിവെടുപ്പിനായി കുന്ദ്രയെ വീട്ടിലേക്ക് കൊണ്ടുവന്നപ്പോള്‍ പൊട്ടിക്കരയുകയായിരുന്നു ശില്‍പ. കുന്ദ്രയില്‍ നിന്നും അകന്ന് കഴിയാനുള്ള തീരുമാനത്തിലാണ് ശില്‍പയെന്ന് അടുത്ത വൃത്തങ്ങള്‍ വ്യക്തമാക്കിയിരുന്നു.വിവാഹമോചനത്തിനൊരുങ്ങുന്നുവെന്ന റിപ്പോര്‍ട്ടുകളും പ്രചരിച്ചിരുന്നു.

2009 ലായിരുന്നു രാജ് കുന്ദ്രയും ശില്‍പ ഷെട്ടിയും വിവാഹിതരായത്. ബിഗ് ബ്രദര്‍ ഷോയില്‍ പങ്കെടുക്കാനായി ലണ്ടനിലെത്തിയപ്പോഴായിരുന്നു ശില്‍പയും കുന്ദ്രയും പരിചയപ്പെട്ടത്. ഷോയില്‍ വിജയിച്ചതോടെ ആ പ്രശസ്തി എങ്ങനെ ഉപയോഗിക്കാമെന്ന് ശില്‍പയുടെ ഏജന്റ് ചോദിച്ചത് കുന്ദ്രയോടായിരുന്നു. ആ ബന്ധമാണ് പ്രണയത്തിലും പിന്നീട് വിവാഹത്തിലും കലാശിച്ചത്.

ആരേയും അസൂയപ്പെടുത്തുന്ന തരത്തിലുള്ള ആഡംബര ജീവിതമായിരുന്നു ഇവരുടേത്. വിവാഹ വാര്‍ഷികത്തിനും ജന്മദിനത്തിലുമെല്ലാം നല്‍കിയ സമ്മാനങ്ങളും ആഘോഷങ്ങളുമെല്ലാം വാര്‍ത്തകളായിരുന്നു. ഇവരുടെ ആഘോഷങ്ങളെല്ലാം സിനിമാലോകത്തും ചര്‍ച്ചയായിരുന്നു. ബിസിനസിനായി വഴിവിട്ട മേഖലകളിലൂടെ സഞ്ചരിക്കാന്‍ തീരുമാനിച്ചതാണ് കുന്ദ്രയ്ക്ക് വിനയായി മാറിയത്.

Leave A Reply

Your email address will not be published.