EBM News Malayalam

ബിഎസ്എന്‍എല്‍ കുടിശ്ശിക പിരിക്കാന്‍ തീരുമാനം

മുംബൈ: പൊതുമേഖല ടെലിക്കോം കമ്പനിയുടെ വിവിധ ക്ലൈറ്റുകളില്‍ നിന്ന് ലഭിക്കാനുളള വന്‍ തുക തിരിച്ചുപിടിക്കുന്നതിനായി കടക്കെണിയും വന്‍ പ്രവര്‍ത്തന നഷ്ടവും നേരിടുന്ന ബിഎസ്എന്‍എല്‍ കുടിശ്ശിക പിരിക്കാന്‍ ശ്രമങ്ങള്‍ തുടങ്ങി. 3,000 കോടി രൂപയെങ്കിലും അടുത്ത രണ്ട് മൂന്ന് മാസത്തിനുള്ളില്‍ ലഭ്യമാക്കാനാകുമെന്ന് ബിഎസ്എന്‍എല്‍ ചെയര്‍മാനും മാനേജിംഗ് ഡയറക്ടറുമായ പി കെ പുര്‍വാര്‍ പറയുന്നത്.

ജീവനക്കാരുടെ ശമ്പളം നല്‍കുന്നതിന് പോലും പ്രതിസന്ധിയാണ്. ചെലവ് ചുരുക്കുന്നതിന്റെ ഭാഗമായി സ്വയം വിരമിക്കല്‍ പദ്ധതി കൂടുതല്‍ വ്യാപകമാക്കാനുളള ശ്രമങ്ങളും ബിഎസ്എന്‍എല്‍ നടത്തുന്നുണ്ട്.

രാജ്യത്തെ വിവിധ ഭാഗങ്ങളില്‍ ഉടമസ്ഥതതയിലുളള ആസ്തികള്‍ വാടകയ്ക്ക് നല്‍കി ഈ സാമ്പത്തിക വര്‍ഷം 1,000 കോടി രൂപ നേടാനും ബിഎസ്എന്‍എല്‍ ലക്ഷ്യമിടുന്നുണ്ട്.

Comments are closed.