EBM News Malayalam

കുവൈറ്റ് നിയമപരിഷ്കരണം : ചെറിയ വാഹനാപകടങ്ങളില്‍ തെളിവെടുപ്പ് നടത്താനുള്ള അധികാരം ഇനി ട്രാഫിക്ക് വകുപ്പിന്

കുവൈറ്റ്: കുവൈത്തിൽ ചെറിയ വാഹനാപകടങ്ങളിൽ തെളിവെടുപ്പ് നടത്താനുള്ള അധികാരം ട്രാഫിക്ക് വകുപ്പിന് നൽകുന്നു . ആളപായമോ ഗുരുതരമായ പരിക്കുകളോ ഇല്ലാത്ത ആക്‌സിഡന്റ് കേസുകളാണ് ഗതാഗത വകുപ്പിലേക്ക് മാറ്റുന്നത് . അടുത്ത ജനുവരിയിൽ മുതൽ തീരുമാനം നടപ്പിലാക്കാനാണ് പദ്ധതി.
നിലവിൽ വാഹനാപകടം സംബന്ധിച്ച് തെളിവെടുപ്പ് നടത്തി റിപ്പോർട്ട് തയ്യാറാക്കുന്നത് ജനറൽ ഇൻവെസ്റ്റിഗേഷൻ വിഭാഗമാണ്. ഈ ചുമതല ട്രാഫിക്ക് വകുപ്പിന് കൈമാറുന്നതിന്റെ ഭാഗമായി കാപിറ്റൽ, ഹവല്ലി ഗവർണറേറ്റിലെ 12 യൂണിറ്റുകൾക്ക് പരിശീലനം നൽകും. അപകടം നടന്ന സ്ഥലത്തിന്റെ പടം എടുക്കൽ, നാശനഷ്ടം കണക്കാക്കൽ, അപകടം സംബന്ധിച്ച പ്രാഥമിക റിപ്പോർട്ട് തയാറാക്കൽ തുടങ്ങിയ കാര്യങ്ങളിലാണ് പരിശീലനം നൽകുക. . ട്രാഫിക് ഡിപ്പാർട്ടുമെന്റ് തയാറാക്കുന്ന റിപ്പോർട്ട് സംഭവസ്ഥലത്തെ പൊലീസ്​ സ്റ്റേഷനിൽ കാണിക്കുകയും തുടർന്ന് ഇൻഷുറൻസ്​ കമ്പനിയിൽനിന്ന് ഉടൻ നഷ്ടപരിഹാരം ലഭിക്കുകയും ചെയ്യുന്ന രീതിയിലേക്ക് മാറ്റാനാണ് തീരുമാനം. അതേസമയം, മരണത്തിനോ ഗുരുതരമായ പരിക്കിനോ ഇടയാക്കിയ അപകടമാണെങ്കിൽ ജനറൽ ഇൻവെസ്റ്റിഗേഷൻ ഡിപ്പാർട്ടുമെന്റ് തന്നെയാണ് തെളിവെടുപ്പ് പൂർത്തിയാക്കുക.

Leave A Reply

Your email address will not be published.