EBM News Malayalam

ടി20 ലോകകപ്പ് ഉയര്‍ത്താനുള്ള കെല്‍പ്പുള്ള ടീമാണ് അഫ്ഗാനിസ്ഥാനെന്ന് റാഷിദ് ഖാന്‍

ദുബായ്: ടി20 ക്രിക്കറ്റില്‍ ഏറ്റവും കൂടുതല്‍ നേട്ടം കൈവരിച്ച ടീമാണ് അഫ്ഗാനിസ്ഥാന്‍. സ്പിന്നര്‍മാരാണ് ടീമിന്റെ പ്രധാന ശക്തി. റാഷിദ് ഖാന്‍, മുഹമ്മദ് നബി, മുജീബ് റഹ്മാന്‍ എന്നിവരെല്ലാം തകര്‍പ്പന്‍ പ്രകടനങ്ങള്‍ പുറത്തെടുക്കുന്നവരാണ്. അഫ്ഗാന്‍ ക്രിക്കറ്റ് കൈവരിച്ച പുരോഗതിയെ കുറിച്ച് സംസാരിക്കുകയാണ് റാഷിദ് ഖാന്‍. ടി20 ലോകകപ്പ് ഉയര്‍ത്താനുള്ള കെല്‍പ്പുള്ള ടീമാണ് അഫ്ഗാനിസ്ഥാനെന്നാണ് റാഷിദ് ഖാന്‍ പറയുന്നത്.

”പ്രതിഭകളുള്ള ടീമാണ് അഫ്ഗാനിസ്ഥാന്‍. ബൗളര്‍മാരും ബാറ്റ്സ്മാന്മാരും ഒന്നിനൊന്ന് മെച്ചം. ടീമിന് ടി20 ലോകകപ്പ് നേടാന്‍ കഴിയുമെന്ന് ആത്മവിശ്വാസമുണ്ട്. ടീമിന് മാത്രമല്ല, രാജ്യത്തെ ക്രിക്കറ്റ് ആരാധകരും അങ്ങനെതന്നെ കരുതുന്നു. രാജ്യത്തിന് വേണ്ടി ടി20 ലോകകപ്പ് കിരീടം നേടികൊടുകയെന്നത് എന്റെ സ്വപ്നമാണ്. അഫ്ഗാനിസ്ഥാനില്‍ മികച്ച ടി20 താരങ്ങളുണ്ട്. എന്നാല്‍ മികച്ച ടീമുകളുമായി കൂടൂതല്‍ ടി20 മത്സരങ്ങള്‍ കളിച്ചാല്‍ മാത്രമെ ടീമിന് കൂടുതല്‍ മെച്ചപ്പെടാന്‍ കഴിയൂ.” റാഷിദ് പറയുന്നു.

 

Comments are closed.