EBM News Malayalam

ഗള്‍ഫ് രാജ്യങ്ങളില്‍ ചെറിയ പെരുന്നാള്‍ ഞായറാഴ്ച ആയിരിക്കുമെന്ന് അറിയിച്ചു

ദുബായ്: മാസപ്പിറവി ദൃശ്യമാവാത്തതിനെ തുടര്‍ന്ന് സൗദി അറേബ്യ, യുഎഇ, ഖത്തര്‍, ബഹ്‌റൈന്‍, കുവൈത്ത് എന്നീ രാജ്യങ്ങളില്‍ ചെറിയ പെരുന്നാള്‍ ഞായറാഴ്ച ആയിരിക്കുമെന്ന് രാജ്യങ്ങളുടെ മതകാര്യ വിഭാഗങ്ങള്‍ അറിയിച്ചു. തുടര്‍ന്ന് കേരളത്തിലും ഈ ഗള്‍ഫ് രാജ്യങ്ങളിലും പെരുന്നാള്‍ ഒരേ ദിവസമായി. ഒരു ദിവസം വൈകി റമദാന്‍ വ്രതം ആരംഭിച്ച ഒമാനില്‍ നാളെയാണ് റമദാനിലെ 29-ാം ദിനം.

നാളെ വൈകുന്നേരം മാസപ്പിറവി ദൃശ്യമാകുന്നതനുസരിച്ചായിരിക്കും ഒമാനിലെ പെരുന്നാള്‍ ദിനം തീരുമാനിക്കുന്നത്. അതേസമയം ഒമാനില്‍ പെരുന്നാള്‍ ദിവസം സംബന്ധിച്ച അറിയിപ്പ് നാളെയുണ്ടാകും. എന്നാല്‍ കൊവിഡിന്റെ പശ്ചാത്തലത്തില്‍ സൗദി അറേബ്യയില്‍ വെള്ളിയാഴ്ച വൈകുന്നേരം തുടങ്ങിയ കര്‍ഫ്യൂ, ബുധനാഴ്ച വരെ നീളും. എവിടെയും പള്ളികളിലോ ഈദ്ഗാഹുകളിലോ പെരുന്നാള്‍ നമസ്‌കാരം ഉണ്ടാവില്ല. പകരം വീടുകളില്‍ നമസ്‌കരിക്കണമെന്നാണ് മതനേതാക്കള്‍ നിര്‍ദേശിച്ചിരിക്കുന്നത്.

Comments are closed.