EBM News Malayalam

യുഎഇയില്‍ അടുത്തമാസം പെട്രോള്‍, ഡീസല്‍ വില ഉയരുമെന്നു സൂചന

യുഎഇയിൽ ഡിസംബറിൽ പെട്രോൾ, ഡീസൽ വില വർധിക്കും. ആഗോള വിപണിയിൽ എണ്ണവില ബാരലിന്​ 60 ഡോളറിനു മുകളിൽ എത്തിയ സാഹചര്യത്തിലാണ്​ ആഭ്യന്തര രംഗത്തും വിലവർധന നടപ്പാക്കാൻ യുഎഇ ഊർജ മന്ത്രാലയം തീരുമാനിച്ചത്​.
നവംബറിൽ ലിറ്ററിന്​ 2 ദിർഹം മൂന്ന്​ ഫിൽസുള്ള ​ സൂപ്പർ 98 പെട്രോളിന് ഡിസംബറിൽ 2 ദിർഹം 15 ഫിൽസ്​ നൽകണം. സ്പെഷ്യലിന്​ രണ്ടു ദിർഹം നാല്​ ഫിൽസായിരിക്കും നിരക്ക്​. ഇപ്പോൾ ഒരു ദിർഹം 92 ഫിൽസാണ്​ നിരക്ക്​. ഇപ്ലസിന്​ 1.97 ആയിരിക്കും​ പുതിയ വില. നവംബറിൽ ലിറ്ററിന്​ 2 ദിർഹം 11 ഫിൽസുള്ള ഡീസൽ നിരക്ക്​ അടുത്ത മാസം രണ്ട്​ ദിർഹം 20 ഫിൽസായി ഉയരും. അന്താരാഷ്ട്ര തലത്തിലെ വിലനിലവാരവുമായി ബന്ധിപ്പിച്ചതോടെയാണ്​ എണ്ണവില ഓരോ മാസവും പുതുക്കാൻ യുഎഇ തീരുമാനിച്ചത്​. ഈ വർഷം ഇത്​ എട്ടാം തവണയാണ്​ വർധന രേഖപ്പെടുത്തുന്നത്​. ഉൽപാദനം കുറച്ചതോടെ വിപണിയിൽ വില ഉയരാൻ തുടങ്ങിയത്​ എണ്ണ ഉൽപാദക രാജ്യങ്ങൾക്ക്​ പ്രതീക്ഷ പകർന്നിട്ടുണ്ട്​.

Leave A Reply

Your email address will not be published.