EBM News Malayalam

ഫോണ്‍ കെണി: ചാനല്‍ ലേഖികയുടെ ഹര്‍ജി ക്രിസ്തുമസ് അവധിക്ക് ശേഷം പരിഗണിക്കും

കൊച്ചി: ഫോണ്‍ കെണി കേസില്‍ മുന്‍ മന്ത്രി എ.കെ ശശീന്ദ്രനെതിരായ സ്വകാര്യ അന്യായം റദ്ദാക്കാന്‍ അനുമതി ആവശ്യപ്പെട്ട് ചാനല്‍ ലേഖിക നല്‍കിയ ഹര്‍ജി പരിഗണിക്കുന്നത് ഹൈകോടതി മാറ്റിവെച്ചു.കേസ് ക്രിസ്തുമസ് അവധിക്ക് ശേഷം പരിഗണിക്കും.സ്വകാര്യ അന്യായം റദ്ദാക്കുന്നത് സുപ്രിംകോടതി വിധിക്ക് വിരുദ്ധമാണെന്ന് കാട്ടി മഹിളാ മോര്‍ച്ച സംസ്ഥാന അധ്യക്ഷ രേണു സുരേഷ് നല്‍കിയ ഹരജിയും ഇതോടൊപ്പം പരിഗണിക്കും.

പരാതിക്കാരിയായ ചാനല്‍ ലേഖിക തിരുവനന്തപുരം ജുഡീഷ്യല്‍ ഒന്നാംക്ലാസ് മജിസ്ട്രേറ്റ് കോടതിയില്‍ നല്‍കിയ സ്വകാര്യ അന്യായം റദ്ദാക്കണമെന്നാണ് ഹരജിയിലെ ആവശ്യം. ഇതേ അപേക്ഷ നേരത്തെ മജിസ്ട്രേറ്റ് കോടതി തള്ളിയിരുന്നു. തുടര്‍ന്നാണ് ഹൈകോടതിയെ സമീപിച്ചത്.

Leave A Reply

Your email address will not be published.