EBM News Malayalam

നിരോധിച്ച രണ്ട്​ ഡോക്യൂമെന്‍ററികളുടെ പ്രദര്‍ശനത്തിന്​ ​ ഹൈകോടതി അനുമതി നല്‍കി

കൊച്ചി: കാരണമില്ലാതെ രണ്ട്​ ​ഡോക്യുമെന്‍ററിയുടെ പ്രദര്‍ശനത്തിന്​ അനുമതി നിഷേധിച്ച കേന്ദ്ര വാര്‍ത്താവിതരണ മന്ത്രാലയത്തി​​​ന്‍റെ നടപടി ഹൈകോടതി റദ്ദാക്കി. അതേസമയം, കശ്​മീര്‍ പ്രശ്​നത്തോടുള്ള വിദ്യാര്‍ഥികളുടെ പ്രതികരണമുള്‍പ്പെടുന്ന ‘ഇന്‍ ദ ഷേഡ് ഓഫ് ഫാളന്‍ ചിനാര്‍’ ഡോക്യുമെന്‍ററിക്ക്​ അനുമതി നിഷേധിച്ചത്​​ ശരിവെച്ചു. ജെ.എന്‍.യു വിദ്യാര്‍ഥി സമരങ്ങളെക്കുറിച്ച ‘മാര്‍ച്ച്‌ മാര്‍ച്ച്‌ മാര്‍ച്ച്‌’, രോഹിത്​ വെമുല വിഷയം പറയുന്ന ‘അണ്‍ബെയറബിള്‍ ബീയിങ്​​ ഒാഫ്​ ലൈറ്റ്​നെസ്​’ എന്നീ ഡോക്യുമ​​െന്‍ററികള്‍ക്കാണ്​ അനുമതി നല്‍കിയത്​.
കേരളത്തി​​​ന്‍റെ 10ാമത് അന്തര്‍ദേശീയ ഡോക്യുമെന്‍ററി, ഹ്രസ്വചിത്ര മേളയില്‍ പ്രദര്‍ശനാനുമതി നിഷേധിച്ചതിനെതിരെ മൂന്ന്​ ഡോക്യുമ​​െന്‍ററിയുടെയും സംവിധായകര്‍ നല്‍കിയ ഹരജികളിലാണ്​ വിധി. മന്ത്രാലയം അധികൃതര്‍ ഡോക്യുമ​​ന്‍ററി കണ്ടിട്ടില്ലെന്നും ഉള്ളടക്കം സംബന്ധിച്ച ചെറുകുറിപ്പ് മാത്രം കണ്ടാണ്​ വിലക്കിയതെന്നും ചൂണ്ടിക്കാട്ടിയായിരുന്നു ഹരജി.
രാഷ്​ട്രീയ കാഴ്​ചപ്പാടുകള്‍ ചലച്ചിത്രങ്ങളിലൂടെയും മറ്റും വെളിപ്പെടുത്താനുള്ള അവകാശം തടസ്സപ്പെടുത്തുന്നത്​ അന്യായമാണെന്ന്​ കോടതി നിരീക്ഷിച്ചു. നിരുപദ്രവകരമായ ആവിഷ്​കാര സ്വാതന്ത്ര്യം തടയാന്‍ അധികൃതര്‍ക്ക്​ അധികാരമില്ലെന്നും കോടതി വ്യക്​തമാക്കി.

Leave A Reply

Your email address will not be published.